AJ DeVos (oftewel AJ Marais) is ’n 36-jarige sanger en musikant van die Oos-Rand in Gauteng. Hy is reeds verskeie jare in die musiekbedryf doenig en het bekendheid verwerf vir sy treffer Hier en Nou , wat in 2021 uitgereik en baie goed ontvang is
Hierdie veelsydige kunstenaar met sy rasperstem, wat homself beskryf as ’n gesinsman wat die beste eggenoot en pa wil wees wat hy kan, is passievol oor Afrikaans. Daar is vir hom geen groter voorreg as om musiek te kan maak in sy moedertaal nie.
Alhoewel hy nog altyd lief was vir sing, het hy eers besluit om sy werk as veiligheids- en gesondheidspraktisyn te verruil vir die verhoog. Afrikaanse en country-musiek was nog altyd bo-aan sy speellysie en hy meen dat sangers soos Theuns Jordaan en Johnny Cash ’n groot invloed gehad het op sy eie styl van musiek.
AJ is beskikbaar op al die onderstaande platforms. Luister, laai af, koop, sing saam en geniet.
